今日想同大家講一個典故

話說春秋戰國時期，魏國有一位出名嘅樂人，名叫離隱！佢發願要週遊列國，將各國唔同嘅曲風融會成為一種高格調，與眾不同嘅風格！

一日，佢正於漢水泛舟，突然思如泉湧，靈感極度澎湃，於是佢呢呢拿拿，振筆疾書，霎那間完成佢自認為震古鑠金、驚天動地之作品！當佢正在閉目自high之時，忽然間一陣怪風吹來，將佢嘔心瀝血之作吹到漢水中央，離隱說時遲，那時快，噗通一聲跳落水，將曲譜撈起，遊回渡頭！佢一上岸就將心血作品逐張鋪喺地面，準備曬乾！由於渡頭乃當年之交通輸紐，百姓出入都需要經渡頭過對岸，離隱所為對百姓帶來不便，但經離隱解釋，此譜乃為百姓所作，可以流傳萬世，百姓稍作忍耐，也是公德！百姓一想，此言不差，自己可以為後世出一點微力，故欣然同意！

但由日出等至日落，百姓開始有微言，但離隱認為百姓要為後世稍作犧牲！如是者，日復一日，離隱均以曲譜未完全乾透為由，拒絕撤離，百姓鼓噪，離隱當即大怒：爾等是愛港力派來的暴民及與官府勾結之強盜…眾百姓怒不可遏，將離隱連同其心血作品一齊掟落漢水，回復正常生活！

從此，世人對一啲自私自利重大條道理去擾民嘅人，就會話佢地《離隱曬譜》！

佔領中環之十個上街的少年