傳媒/良心/講呢啲?

傳媒/良心/講呢啲?

呢排網上有句潮語「屌!講呢啲?」,大概意思係將一啲唔想再提o既瘀事糗事輕輕帶過。即係好似呢排成日見到講中立無佢份,講江湖地位又未夠班o既「記協」走出嚟講乜嘢普世價值呀、傳媒被滅聲呀、良心傳媒守護住香港核心價值呀等等等小學生都呃唔到o既廢話o既時候,版主B就會不自覺咁喺口中默默吐出「屌!講呢啲」嚟希望佢哋快啲收聲,唔好再講呢啲幼稚大話嚟欺世盜名。

點解話傳媒有良心、被滅聲係大話?無他,都係因為本地傳媒被幾粒老鼠屎搞禍成鍋粥。好似造假造到出晒名,有「腦生草憤青/坑聖經」之稱o既爛生果日報,今日又嚟造假針對疑似無交買路錢(落廣告)o既企業。

話說早排喺Whatsapp流傳稻香賣「發藍雞」潮文,爛果喺網上攞流料當新聞報都唔係第一次。但爛生果最賤狗格o既地方唔係一而再,再而三咁狙擊無落廣告o既稻香,而係將未經證實o既消息同圖片加工當新聞報,抹黑企業先知最賤狗格。有報導同一篇消息o既《成報》,忠於原著將whatsapp上o既照片搬字過紙登出嚟,而爛果呢?就非常用心地將幅相180度調轉然後用photoshop加深顏色,令隻雞變得更藍,突顯其「有問題」,當真賤到唔知點形容班編採。須知「發藍雞」傳言根本無從證實,傳媒將佢當新聞報已經唔啱,重要衰到加鹽加醋踩多兩腳,大佬,無擺底買路錢啫,都唔使趕盡殺絕吓嘛?你哋呢班人,單靠一支無良心o既筆,不負責任咁寫兩寫,隨時就可令一間健康運作無問題o既企業一炮打柴,令大量市民失業。呢啲叫良心?呢啲叫無言論自由被滅聲?你同我講呢啲?咪玩啦香港傳媒!

反歪風反暴民Facebook專頁

又是毒果賤報

This entry was posted in 無恥傳媒事件簿 and tagged . Bookmark the permalink.

One Response to 傳媒/良心/講呢啲?

  1. Leung Kiu Sing says:

    一於告佢 !

Leave a Reply

Your email address will not be published. Required fields are marked *